Ez galdu MUBIL Mobility Exporen laugarren edizioa!

Apirilaren 17an eta 18an, MUBIL Mobility Exporen laugarren edizioa egingo da Ficoban. Europako hegoaldeko mugikortasun jasangarriaren industriaren azoka profesionala da MUBIL Mobility Expo.

Sektoreko eragile publiko eta pribatu nagusiak bilduko dira topaketa horretan, eta gaur egungo beharrak eta mugikortasun jasangarriaren etorkizuneko erronkak aztertuko dira. Bisitarien izen-ematea zabalik dago, eta erritmo onean mantentzen da. Hori dela eta, antolatzaileek izena ematera animatzen dute, hitzordu profesional honetan parte hartzeko: 100 erakusketari nazional eta nazioarteko, Europako 10 hiri gonbidatu eta lehen mailako 20 hizlari konfirmatuta daude.

MUBIL Mobility Expora hurbiltzen diren profesionalek merkatuan dauden mugikortasun jasangarriko produktu eta zerbitzu berritzaileenak ezagutu ahal izango dituzte, eta sektore horretan erreferentzia diren enpresekin harremanetan jarri ahal izango dira matchmaking tresnen bidez, B2B bilerak aurretiaz antolatzeko.

Mugikortasun jasangarriaren gaurkotasunari eta joerei buruzko informazio garrantzitsua emango da hitzaldi-programa zabal batean. Zuzeneko erakustaldiak ere izango dira, Test Drive eremuari esker. Gune horretan, autobus eta bestelako ibilgailu jasangarri eta autonomoen azken berrikuntzak ezagutu ahal izango dira.

Gainera, erakusketa hau bisitatzeko arrazoirik ez balego ere, MUBIL Mobility Expok City Marker Place antolatu du. Hiri-mugikortasun iraunkorraren arloan erronka zehatzak dituzten Europako hirien eta horiek gauzatzeko produktuak, zerbitzuak eta irtenbideak proposatzen dituzten enpresen arteko topaketa da.

Izena emateko, nahikoa da esteka hau sakatzea:

https://publicalt.xeria.es/mubil_mobility_expo/eu/register/Registerpage/visitantes

 

Gehiago irakurri