Azaroaren 4tik 6ra, Gipuzkoa City Science Summit-en egoitza izango da, City Science Network-en urteroko topaketa. Munduko laborategi ospetsuenetako (Cambridge, Hanburgo, Shanghai, Toronto, Taipei...) ikertzaileak eta hiri-berrikuntzako adituak Donostian bilduko dira, hiri-zientzian, plangintzan, teknologian eta politika publikoetan egindako lan berrienak partekatzeko.

City Science Summit 2026k main stage formatuko aurkezpenak, breakout saioak, tailerrak eta zuzeneko erakustaldiak uztartuko ditu. Nazioarteko topaketa honek, gainera, City Science Lab Gipuzkoak egindako lanak munduari erakusteko balioko du. Proiektu hori MUBILek eta MIT Media Labek garatu dute mugikortasun iraunkorraren hiri-erronka handiei aurre egiteko.

Aprobetxatu aukera paregabe hau, lurraldetik irten gabe, hiri-berrikuntzako erreferentziazko komunitate global batera sartzeko: ezagutu lehen eskutik beste City Science Labsen proiektuak, konektatu MITeko ikertzaileekin eta nazioarteko adituekin, eta ezagutu nola beste hiri batzuek Gipuzkoakoak ere badiren erronkei irtenbideak aurkitzen dieten.